Nokre gonger er dei hardaste kår den beste skulen for eit forretningseventyr.

Jonas Orten vaks opp som den yngste av fem søsken i Anestauå. Barndomen på husmannsplassen var fattigsleg, med ein far som var sjuk og ei mor med altfor mykje å henge fingrane i. Men bakgrunnen tok ikkje knekken på draumane som spirte i ungguten frå Orta. Berre 34 år gammal starta Jonas si eiga forretning, J. Orten, i Molde. Verken dyrtid eller krig kunne stogge den verkelystne Ortingen. Forretninga vaks, og i 1968 var han ikkje snauare enn at han inviterte med seg dei tre største konkurrentane for å starte ELMO.

Det var i fjor 100 år sidan draumen kom til liv, ein draum som starta på ein karrig, liten husmannsplass på ei øy ute i havgapet.

Vi er stolte og glade over å kunne støtte arbeidet med Busetnadssoge for Sandøy - historia om der eventyret starta.